Wednesday, November 27, 2013

Mera Asli Jahaan

Kehte hain ki ye jahaan kootnaitik hai,
Tirchi nazar se dekhta sab,
par aassan se uthta nahi hai,
raat mein jagta zaroor,
par nayak kabhi banta nahi hai,
hathiyaar se karta parhez,
par katl se sharmata nahi hai.

Kehte hain ye jahaan bohot baatuni hai,
Shaam ko sab doston ko bulaata,
Mooh par unki burai karta bhi hai,
Rakhta vishwas sarv-sammaan mein,
Fir bhi lut-ti izzat ke saamne mook rehta hi hai,
Khule charchon se mann apna bharta,
Band kamron mein awaazein dabaata bhi hai.

Kehte hain ye jahaan bohot bada hai,
Sharaab ke kone chala badhaane,
Par paise gaadne ko zameen bhi kam padti hai,
Time Zone to dheron banaata,
Par dil mein jagah kam hi rakhi hai,
Masheenon se bhar diya girebaan,
Insaaniyat ke liye ek kona baaki nahi hai.

Kehte hain ye jahaan bohot matlabi hai,
bohot zulmi hai,
bohot dogula bhi hai,
Par maana jo sirf tumhe apna jahaan,
Ye kolahal bhi ab saundhi si lagti hai,
Aur ye maayoos kavita,
ab ek bhool si lagti hai.

Saturday, November 16, 2013

Bhagwaan Kidhar Chala?

Khisak gaye neeche se kandhe,
Sikudd gayi seemaayein,
22 gajj ki duniya ko karke wo bada,
Hamara bhagwaan kidhar chala?

Teen mashaalon ka pehredaar,
Chhod ke balla, chhod 24 saal,
1 se 6 ki ginti mein shatak bana chala,
Hamara bhagwaan kidhar chala?

Aakhri salaam ghar ke darwaaze se bola,
Ye jahaan bola muddna mat,
Bolke alvida mudd chala,
Khud hi ro ke,
hamara bhagwaan kidhar chala?


#ThankYouSachin :'(

Saturday, July 20, 2013

Bheegi Thi par Bhaagi Nahi

Tere kadmo ki aahat,
ek kavita si lagti hai,

tere chehre par,
baarish ki boondon ke thapede,
resham ki barsaati si lagte hain,

teri khushboo jo mann mein jagaye umang,
rang jaise indhradhanush ki tarang,

zameen par jame paani mein tera aks,
jisme tu ek dilkash haseena si lagti hai.

An Uprising On Hold



I shall sleep at every nook,
every barn I find comfortable,

I shall pee from every pinnacle,
every Everest,
every Burj Khalifa I find boring,

I shall write on every wall,
every road,
every face I find blank,

I shall catch every bite
every thought I find tasty,


till then,
I shall procrastinate every now to next,
every late to later,
every 'am' to 'shall'!

Monday, June 24, 2013

Main Aur Mere Shabd


Beghar main,
beghar mere shabd,
raaste mein chal pade hum dono,
jaane manzil milegi kab,

dost mere, shabdon par fida,

girlfriend meri, mujhpar fida,
panaah koi ek na de,
jaha bhi theher jau,
waha fatt se kar de wida,

shabdon ka kya hai,

kisi raahgeer ko lipat jayenge,
ya chup jayenge kisi shabdkosh ki panaah mein,
mera kya hai,
so jaunga marine lines par sir tek,
ya dede koi apna PG nek,

par samajh liya agar galat,

mujhe ya mere shabdon ko,
"falsely quoted" ke chakravyuh mein fass,
na utth payenge khaadi aur kalam se upar,
reh jayenge main aur mere shabd,
beghar, bekaar aur bebus.


Tuesday, May 28, 2013

Kacchi Khilaadi

Mere dil mein tha ek chhed,
kisi ka teer gaya tha bhed,
na rok saka usko, na jod saka usko,
dil ke do kono mein chid gaya sangraam,
jaise Palestine ka matbhed,
ye hissa iske liye, wo hissa uske liye,
par ye suraakh kiske liye?

Chhed tha bhi to dil ke nichle tal par,
jaha par sab bhavnayein janm leti thi,
kiska tha wo teer, kya maalum,
apna sthaan jama gayi ya ek fanda bana gayi.

Chhod gayi ek chitthi,
jaise daaku thi aur kuch loot le gayi,
"Dil to tera khokhla hi tha,
ek chote kone se farak kya padega tujhe"
Re pagli, dil khokhla kara tha isliye
taaki saari jagah mil sake sirf tujhe,
par tu nikli kachi khilaadi,
chori kiya bhi to dil ka nichla tal,
le gayi dabe hue aansu mere,
lautaane zaroor ayegi kal.

Lagta tha tujhe jo farak nahi padega mujhe,
kal wohi dil ka kona, chipkana padega tujhe.


Related Posts Plugin for WordPress, Blogger...