Saturday, March 31, 2012

Mela

Hum bhi chale,
tum bhi chale,
is bheed bhari raah pe,
besudh...madhosh,
chal diye apni manzil ki or.

aisi kolahal mein bhala,
apni awaaz sun bhi kaise payein,
mann ki karraahat,
zubaan ki karwahat,
chilla ke bhi sun na payein

chalte rahe hum,
us shaanti ki talaash mein,
jahan karwahat bhi lage meethi,
barfeeli zillat bhi lage angeethi,

koso door paidal ke baad,
aahi gaye manzil tak hum,
bheed ki saza ke baad,
sannaate ki suhaagraat mein hum.

Do din ki chaandni ke baad,
aayi ik andheri lekha,
dher baaton se bhare kagaz par,
kheech gayi akelepan ki rekha,

aaj na hi wo mann ki karrahat hai,
na hi zubaan ki karwahat,
hai to bas ussi,
bheed bhari raah ki chaah,

hum bhi khade,
tum bhi khade,
is bheed bhari raah pe,
besudh...madhosh
chal diye apne sannate se door!

Related Posts Plugin for WordPress, Blogger...